Сабақтастық бойынша іс-шаралар онкүндігі жоспарына сәйкес 4-сыныптың сынып жетекшісі «Құрама есептер. Ғарыш айлағы» тақырыбында математика пәнінен ашық сабақ өткізді.
Сабақтың мақсаты — оқушылардың құрама есептерді шығару дағдыларын бекіту, логикалық ойлауын дамыту және орта буынға өтуге дайындау болды. Сабақ барысында есептің шартын талдау, шешу жолын жоспарлау және қорытынды жасау дағдыларын қалыптастыруға бағытталған түрлі әдіс-тәсілдер қолданылды.
Сабақ ойын түрінде ұйымдастырылды: тапсырмалар ғарыш айлағы тақырыбымен біріктіріліп, оқушылардың қызығушылығы мен белсенділігін арттырды. Оқушылар топпен жұмыс істеу қабілеттерін көрсетіп, жақсы білім деңгейін және нәтижеге ұмтылысын танытты.
Қойылған мақсаттарға қол жеткізіліп, сабақ оң бағасын алды.
